امنية .. الله لا يبلاكم !!

امـــنـــيــــة

==========




كانت لدي امنية قديما .. و كنت ارجو من الله تعالى ان يحققها لي !!!

الامنية هي ليست طلب يكتبه لي الله تعالى .. وليست رزق يقسمه لي .. وليست درجة اوصل لها !!

وان كانت هذه امنيات فعلا لدي ... ولكن الامنية التي اتحدث عنها هنا هي امنية من طابع مختلف !!

من طابع غريب قد تستغربون منها !!

ولكن ارجوكم احترموها !!

ولانني لم اتمناها إلا لما فيها من العبر والعظات لي مايكفيني ان اتمناها !!

صحيح انها بها ضرر لغيري .. ولكن كما يقال " مصائب قوم عند قوم فوائد " !!!

امنيتي التي تمنيتها وفي سابق العصر و الزمان هي ...

أن أرى حادثا أمامي !!

أمنية غريبة ولكن تمنيتها حتى اتعظ من حوادث المرور الماساوية التي قامت بخطف شباب الكويت من كل صوب !!

المهم !!

قبل شهرين تقريبا تحققت الامنية امام عيني الجميلتان التي يتغازل عليها الشعراء !!!

ذات يوم .. وبعد ان صليت ولله الحمد صلاة الفجر ( التي انحرم منها كثير من الناس ) وبعد خروجي من المسجد .. شعرت ببعض

الحماس والنشاط .. وكان الجو جد ممتع وجميل !!

وكما تعلمون الهواء في هذا الوقت اصفى مايكون .. !!

فراودتني نفسي بالذهاب الى الممشى !!

وفعلا ادرت محرك السيارة ( بالكويتي دقيتها سلف ) ومن ثم لبست ملابس الرياضة وذهبت إلى ممشى السره ( كونه القريب يم بيتنا ) ...!!

وفعلا وصلت .. وبعدها بدات بالمشي .. و لا يوجد به إلا كبار السن ( عند العيايز كل شي يايز ) !!

وعند شروق الشمس كنت عند الشارع الفاصل بين الممشيين ( ممشى السره فيه قسمين .. خبره ها ) !!

بجانبي الايمن منطقة السره .. و الايسر الدائري الخامس !!

و اذ بصوت الفرامل ( البريك ) ... !!

( عذروني بقلب لهجة كويتية :) )


وله ذاك البريك الي موصج !!

على طول التفت يساري وله كامري فجأة و بروحها من دون أي سيارة ثانية .. !!!

تدعم الدعامية بالارض وتقلب لي جدام .. قلبه .. قلبتين .. جان يطلع السايق ( شاب كويتي ) .. من الدريشه .. مو رابط الحزام !!

والقلبه الثالثه وراها !!

وطيراااااااااااااااااااااااااااااااااان .. رحتله .. ولا معاي واحد مصري .. متدين .. دشداشة قصيرة .. غترة بدون عقال .. جنطة الداعية !!

وصدفة الصوب الثاني ولا شرطي رايح دوامه بسيارة مدنية !!

صفط ونزل على طوول .. ودق على الاسعاف !!!

الريال طايح على بطنه .. دم من حلجه وراسه .. بس مو واييد !!

ويتنفس !!

انا هني تخصبقت .. ناطر أي كلمة من الشرطي عشان اساعده !!

فجأة !!

ولا الشرطي ايي صوبنا ( انا والمصري ) .. ويقول حق المصري ( كونه شكله متدين مع العلم ان انا عندي لحية ذاك الوقت بس

الظاهر الشورت الي انا لابسه اخدعه :) )

تعال لقنه الشهادة لان احتمال يموت !!


شنو شهادة واحتمال يموت !!!

اول ما قال جذي تخيلت ان ملك الموت يمنا !!!


صج الموت ماله ميعاد !!


راحله المصري ويساسره !!


المهم جان تصير الشغلة الطبيعية عند الكويتيين وهي الخز .. وتصير زحمه !!

يشهد الله ان بحدود اقل من 10 دقايق ولا الاسعاف موجودة !!

اسعافات اولية .. وبعدها خذوه بالسيارة وطاروا فيه !!

بس الحمدلله كان قاعد يتنفس !!

وبهالفترة .. وانا مافي عصب ما انشد !!

مر واحد وقاعد يصور بتليفونه !!

قاله واحد من الموجودين .. " اخوي الله يهداك شفيك تصور .. يبه هذا حادث .. قول الحمدلله " !!

جان يقوله وبصراخ وحرقه : " لا بصور .. حق عيالي .. خل يتعظون ويتعلمون .. انا عيالي كل يدوسوون . خل يشوفون بعيونهم !!


وتحققت الامنية !!

انا الحمدلله من قبل ماكنت ادوس وايد !!

بس بعد الحادث هذا قلت خلاص يبه لي متى ما تتعظ !!

لان بيني وبينكم مره سوييت بنجر – الله لا يبلاكم – بطريج الصبية رايح وراد .. وانا دايس 140 ... وبالتاير الامامي !!!

يعني التحكم فيه صعب .. بس الحمد الله الله ستر ( تحية للطوارق :) !!

فقلت خلاص توبه .. ومن بعدها وانا حدي 100 !!

واذا خاطرت دست 120 !!

بعيش دور الاب ممكن !!

ياعيالي تكفون ترى ما تفيدكم السرعة والمقاوم .. خلو عنكم هالشغلات .. كافي الشباب الي راحو من شيس اهلهم .. حطوا مكانكم مكانهم !!

ترى فراق العزيز ولا الظنا شي جايد مو هين !!

اهلكم مو لا قينكم بالشارع !!

لحد يسرع .. ولا يتجاوز الاشارة .. وما اوصيكم يالحزام الامان الي فيه الامان !!1

ياعيالي تكفون ترى الكويت تبيكم !!


وتحياتي :)

و يسلمواااااااااااااااااااااااااااااااااا :)