الأربعاء، 31 ديسمبر 2008

* اتحداكم كلكم *







بما انني شخص استانس على اليهال ... فراح اترسلكم هالبوست صور يهال :)




================================================




المهم .. ما علينا ..





بمناسبة زوال شمس 2008 م .. وبزوع فجر عام جديد 2009 م ..







فاحببت ان انرفزكم شويه :)





وبهذه المناسية يجب على كل انسان ان يخطط لمستقبل افضل .. وعام اجمل ..






وان يضع خريطته التي تقوده .. ليعلم اين هو سائر ..





لا ان يجعل نفسه .. " كالاطرش بالزفه " ..





وبمناسبة الامنيات التي ستضعونها لانفسكم .. والتي تستوجب وجود عقل متزن .. ومفكر .. وشاغول !!





احببت ان احرك عقولكم الواقفة !! .. واحركها اكثر في من عقله متحرك اصلا :)






وان اتحداكم من بداية العام الجديد ..





ففكرت بما اذا اتحداكم !!!






فخطرت لي فكرة !!!




فبما اننا " عرب " .. ونتقن اللغة العربية افضل من غيرنا .. واحسن من في الوجود !!




فاحببت ان اتحداكم بلغتكم !! .. يا اهل البلاغة !!!



فعندي بعض الالغاز التي اتحدى الجميع بها " والي في امه خير يحلها " ...




ومن لديه الاجابة .. فاليكشر عن انيابه .. وعن سواعده .. " وهذا الميدان ياحميدان " ...




حتى لا اطيل بالتحدى .. واخرتها ما كو في فود .. !!








الالغاز .. كالتالي : -




1 . يقول الشاعر : -




وراكعة في ظل غصن منوطة .... بلؤلؤة نيطت بمنقار طائر



( يدل هذا البيت على احرف اسم شخص .. وليس غريب علينا هذا الاسم ... فيا ترى ما اسمه )




:) :) :)





2 . يقول الشاعر :-



حروفه معدودة خمسة ... اذا مضى حرف تبقى ثمان



( نفس السؤال السابق ... ما اسمه ) ؟






3 . اما اللغز هذا ... فهو عبارة عن خطبة نثر .. وفي شي بلاغي .. والذكي يكتشفه !!!!
... اتحدى به الملأ كلهم .. من انس وجان .. فاقول :-




" تقدس وعز فعله .. جلت قدرته .. وعزت عزته .. وعظمت صفته .. وكثرت منته .. فتق ورتق .. وصور وخلق .. وقطع ووصل .. ونصر وخذل ..





حمدته حمد من عرف ربه .. ورهب ذنبه .. وصفت حقيقة يقينه قلبه .. وزكت بصيرة دينه لبه .. نقر له عزوجل بثبوت ربوبيته وقدمه .




وبعد .. فقد نصحتكم لو كنتم تعقلون .. وهديتكم لو كنتم تعلمون .. بصرتم لو كنتم تبصرون .. وذكرتم لو كنتم تذكرون .. ظهرت لكم حقيقة حشركم .. فكم تركضون قي طلق غفلتكم .. وتغفلون عن يوم بعثكم .. وللموت عليكم سيف مسلول .. وحكم عزل غير معلول ..




فكيف بكم يوم يؤخذ كل بذنبه .. ويخبر بجميع كسبه .. ويفرق بينه وبين صحبه .. ويعزم نصرة حزبه .. ويشتغل بهمه وكربه .. عن صديقه وتربه .. وتنشر له رقعة .. وتعين له بقعة .. فربح عبد نظر وهو في مهل لنفسه .. وترسل في رضى عمل جنة لحلول رمسه .. وكسر صنم شهوته .. ليقر في بحبوحه قدسه .. وحصر بنظر ينزله سرير سروره بين عقله وحسه ..






4 . نفس السابق :-



" الحمدلله القديم بلا غاية .. والباقي بلا نهاية .. الذي علا في دنوه .. ودنا في علوه .. فلا يحويه زمان .. ولا تحيط به العقول و لا الافهام .. يعصى فيحلم .. ويدعى فيسمع .. ويقبل التوبة عن عباده .. ويعفو عن السيئات .. ويعلم ما تفعلون .





واشهد شهادة حق .. وقول صدق .. باخلاص نيه .. وحسن طويه ان محمد بن عبد الله عبده ونبيه .. وخالصته وصفيه .. ابتعثه الى خلقه بالبينه والهدى ودين الحق .. فبلغ امانته .. ونصح لامته .. وجاهد في سبيل الله .. لا تا خذه بالله لومت لائم .. ولا يصده زعم زاعم ..



اوصيكم عباد الله ونفسي بتقوى الله .. والعمل على طاعته .. والمجانبه لمعصيته .. واحضكم على ما يدنيكم منه .. ويزلفكم لديه .. فان تقوى الله افضل زاد .. واحسن عاقبه في معاد .. "











لحد ينام .. او يضيق خلقه ... بس يبيلها تفكير شوي .. وراح تلقون الاجابة سهلة :)


================================================







كل عام وانتم وبخير :)

هناك 18 تعليقًا:

Kaadi يقول...

هلاووو ...شووف انا اعشق اللغة العربية على عكس دراستي الانجليزية !

و اعرف خفيف ! بس بصراحة اسئلتك سهل ممتنع لول

اجابة رقم 2 ( عثمان ) ;) شرايك فيني ؟ لول اسهل شي

darkness يقول...

و انت بصحه و سلامه

1: أحمد

2: عثمان

3 و 4 للحين ما قريتهم الفلونزا عامل عمايلها

ينعاد عليك بالصحه و السلامه

أبو لطيف يقول...

حلوة الحركات

سبقونا

ما راح احرق الموضوع ولكن يمكن اقرب الامر للاخرين ولكنك لا شك ستعرف اني وصلت للحل ان شاء الله

اكتفي بـ

3

4

وهما نصان متماثلان في العلة

النص 4 لواصل بن عطاء ومشهوره خطبته

كانت مشكلته في ( ....) فتجنبه

وكذلك 3 تم تجنب ( ... )

وبصراحة ولم لم تضع النص رقم 4 قد لا اكون عرفت حل النص 3

هذه بلاغة البلغاء في عصور ولت

احسنت الاختيار

امتعتني

جزاك الله خير

حفظك الله

عثماني يقول...

مساك الله بالخير يا خوي

ياي اقول لك كل عام و انت بخير

و الا اشوف هالالغاز جبالي

عاد هالحزة المخ واقف

:)

حافظك الكريم يا خوي

و لي عودة للالغاز

Q8EL5AIR يقول...

لي عودة ان شاء الله على تعليقاتكم ..



بس فكروا عدل .. وان شاء الله الاجوبة سهله ..


:) :) :)



بس بولطيف خلك شوي على كتر ... إلعب بعيد !!


:) :) :)


وتحياتي ..

ويسلموااااااااااااااااااا :)

BenTBonD يقول...

الله يهداك بس
ضيقت خلقي من اول يوم من 2009
ليش جذي يعني؟؟ انا احب افكر بس الغازك وقفت مخي لاني ماحب اللغة العربية ايام الدراسة لانها كانت صعبة

مابي احل ومابي افكر لان صكت فيني الدنيا
بس شغله وحده اللي حبيتها ابوستك ان فيها صور ياهال لاني احب الياهال وايد طبعا مو لدعل ولا جان رفستهم هههه

تحياتي لك وكل عام وانت بخير عسى الله يجعل هالسنة سنة خير وراحة عليك ان شاء الله

Q8PEN يقول...

يا اخي حسستني انت هاردلك بالعربي :-)

ساره النومس يقول...

عاد ماحب الالغاز حدي لوول

كل عام وانت بطل :)


مخططاتي للحين مارتبتها صراحة

Kuwait يقول...

حددددددددي مطبقه مقولتك الي بأول البوست ..
" زي الأطرش بالزفه "
يوم شفتهم كاتبين عثماني واحمد جان أرد أقرا الألغاز اكتشفت ان الجواب صح D;

ZooZ "3grbgr" يقول...

:")

kuwaitawy يقول...

كل عام وانت بخير


وعسى الكويت خير في عام 2009 ( على نكك )


:)

Q8EL5AIR يقول...

ستكون الاجابة باذن الله في البوست

القادم :)


ترقبوها :)

Q8EL5AIR يقول...

Kaadi ...


اشكرج على سعيج للاجابة .. وتفكيرج الذكي :)

رايي فيج .. راح تعرفينه بالبوست القادم :)


وسلميلي على عشق اللغة العربية :)


وتحياتي .. اشكرج على المشاركة الجميلة ..

وحياج الله









darkness ...


بالسلامة ان شاء الله وماتشوفين شر .. بعدوينج ان شاءالله :)


وعليج ان شاء الله ..



وتحياتي .. على المبادرة الرائعة بالاجابة :)

حياج الله ..










أبو لطيف ..



خلاص عيل مره ثانية بستثنيك من هالالغاز :)


بس انت اعلنت التحدى .. والياي اصعب :)



والعب بعيد :)


وتحياتي اخوي .. على راسي والله :)










عثماني ..


حياك الله اخوي باي وقت .. واسفين اذا عكرنا مزاجك الرايق :)


ان شاء الله دوم ..


بس هذا الهدف من الالغاز ... حرك مخك ياخوي شوي :)



حافظك الرحمن اخوي :)

Q8EL5AIR يقول...

BenT BonD ...


اسف اختي وحقج علي ..!!

ما عليه عكرنا المزاج شوي !!


مرة ثانية اييب الغاز اسهل بس حقج .. شتبين بعد :)


وعسى الله يفتح الدنيا بويهج .. مثل ما انا بالغلط صكيتها !!


اما اليهال فقاسم مشترك :)



وتحياتي .. لج جزيل الشكر على المتابعة :)









BO :: @yman ..



منو هاردلك انا ولا انت .. اشوفك ماحليت !!


1 \ 0 .. لي :)



حياك الله اخوي .. وتسلملي :)









alsaronah ..


ليش عاد الالغاز حلوة .. اتونس .. بس الظاهر كله خسرانه فيها :)


مافهمت بطل .. لانه نتقرا بطريقتين .. مدح وهجا ء .. ايهو تقصدين !!


مع تمنياتي بمخططات ناجحة ورائعة :)








Kuwait ..


يعني قاعد اقول لا تصيرون اطرش بالزفه .. تروحين وتصيرين !!


ما كو فايدة فيكم !!!


:)

لو مفكره شوي جان عرفتي !!


لج جزيل الشكر على المشاركة الجميلة اختي :)

Q8EL5AIR يقول...

ZooZ "3grbgr" ..


شنو يعني ماعرفتي تحلين !!!


:) :) :)

عيل ترقبي الحل :)


لج اجمل التحيات على المشاركة :)







kuwaitawy ..


وانت بصحة وسلامة اخوي ...


بس وين الحل !!!


الظاهر صعبه عليك !! :)





اشكرك على المشاركة والتهنئة .. من ذوقك والله :)

Eng_Q8 يقول...

احمد

عثمان

ماكو حرف الالف

ماكو حرف الراء

وهابي نيو يير

Q8EL5AIR يقول...

Eng_Q8 ..


مشكور اخوي عالاجابة :)


بس شعقبه .. بعد ماشفت الحل !!!


وتحياتي ...

ويسلمواااااااااااااااا :)

BenTBonD يقول...

هههههه حلوة انك صكيت الدنيا بويهي بالغلط
ومسموح ياللي يتعذر مسموح لو ماتعذر
وتحياتي لك