لا حول ولا قوة الا بالله !!
اولا
احب اوصل كلمة شكر .. معطرة ومبخرة .. ومطرزة بالورد والنوير :)
على تنبيهم لي لامر جدا مهم .. لي .. وقد يكون لكم بالمستقبل " الله لايقوله ان شاء الله "
الامر هو اني كتبت مقالة في البوست السابق باسم " سياسة باسكن روبنز "
ومن ضمن التعليقات .. علق اخوي " بومريوم " و اختي " بنت الشامية " .. وحطوا بتعليقهم موقع الكتروني !!
اول ما شفته كان عبالي ( موضوع معين - او مقالة في منتدى - او شي مرتبط بالمقالة .. )
وبعد ما دخلت الموقع " انصعقت " بان في وحدة مشاركة بمنتدى وحاطة " مقالتي " !!
شنو .. هذي جنها مقالتي !!
اوله بوق بعد !!!
لا وناسبه المقاله لها .. ولا حاطها انها منقولة من مدونتي !!!
والي يبط الجبد اكثر ان المعلقين عليها يمدحونها على اسلوبها !!!
والله قهر !!
والي يضحك بعد .. انه بعد المقاله .. حاطه دعاء
" اللهم اغفر للمؤمنين والمؤمنات والمسلمين والمسلمات الاحياء منهم والاموات الى يوم الدين "
ماشاء الله وتعرفه ربها بعد !!!
وهذا هو الموقع :
بس ماادري احس من الاسم انها بنت !!
على تعليقها بالمنتدى .. وذكرها ان المقالة منقولة لمدونة " كويت الخير "
والواضح انها مسجلة عشان تذكر هذا التعليق ..
فشكر كذلك خاص لها ولعدم سكوتها عن الحق ..
والعجيب ان بعد ماذكرتلها ان المقال منقول من مدونتي ..
ردت عليها " البواقه "
وقالت : " عيب يعني لو نقلت من مدونة اصدقائي " !!
شنو اصدقائي !! منو قال !! ومن متى !! لا يكون وانا ما ادري !!
لا والله ما اتشرف اني اتعرف على ناس ماعندهم اخلاق !!!
لا اعرفج ولا تعرفيني !!!
والله مشكلة !!
ولمن ردت عليها الاخت وقالتله " العيب عدم الاشارة ان الموضوع منقول..اولا
ثانيا هم أنكروا معرفتهم بنقلك للموضوع و استنكروا النقل "
قالت " البواقة " : " اتوقع مو ممنوع النقل ولا من ضمن القوانين المنتدى " !!!
شنو !!! .. ألحين توه اصدقائي وألحين مو ممنوع !!
انزين مو من ضمن قوانين المنتدي ، ماشي !!
بس وين الاخلاق !!
ياجماعة الخير شفايدت نطبق القانون من دون اخلاق !!!
والله مشكلة !!
فوق شينها قواة عينها !!!
والله قهر !!!
ما ادري شقول !!
بس على العموم .. احب اكرر شكري لاخواني " بومريوم " " وبنت الشامية " " homeros "
على مساعدتهم لي وتنبيهم لي على هالبوقة !!
والصراحة هالشي خلاني افرح واحزن بنفس الوقت !!
احزن :
لان للاسف في ناس عايشين بينه ويحملون هالاخلاق الخبيثة والدنيئة .. والي ان دلت فهي تدل على تربيتهم !!!
وماادري اذا كانت كويتية ولا لا .. بس حسافة على هالاشكال .. والكويت ماتستاهل هذيله !!!
وفرحت :
ان الحمدلله اولا واخرا .. الجذب حبله قصير .. والله سبحانه وتعالى سخرلي ناس والنعم فيهم .. وكثر الله من اثالهم
نبهوني ودافعو عني بخصوص " هالبواقة " !!!
وبنفس الوقت هذا دليل على قبول بعض مقالاتي البسيطة لدى بعض الناس !!
واخيرا :
الحمدلله الذي عافانه مما ابتلاه كثيرا من الناس .. وفضلنا على كثير من عباده تفضيلا ..
واسال الله ان يرزق " البواقه " الاخلاق والعقل الي تفتقده في حياتها !!!
ويشافيها من مرضها .. واسال الله لها السلامة من كل خبيث وحقير ودنيئ !!!
وديربالكم على مقالاتكم !!
والي عنده طريقة معينه يمنع فيها هذا البوق .. تكفه خل يعلمنا !!
لنا الله :)
-----------------------------------------------------------------------------------
توه وصلي مسج من واحد من الربع :
" الخرافي يدعو نائب ، نائب .. الى مكتبه فيخرج النائب وهو حزين جدا متوجها الى مكتبه لأخذ أغراضه من الكتب
لاستعداده للحل الغير دستوري "
" تعليق الدستور .. وحل غير دستوري .. ولجنة لتنقيح الدستور لمدة سنتين "
الله يستر !! والله قهر !!!
بس تعالوا اذا انحل المجلس سنتين .. عيل احنا شراح نكتب عنه !!!
شكلها بنقزرها حب وشعر و أدب وقصص !!
زهبوا روحكم :...(
وتحياتي ..
ويسلمواااااااااااااااااااااااااااااا :)
هناك 30 تعليقًا:
هلوو
شلونك
اهم شي سالفة اللي باقت مع عدم الاشاره ان الموضوع من المدونه
تدري شنو يكشف لي ؟؟
يكشف ان احنا نتكلم والكلام يروح بالهوا
هبااااااااء
صح هباء ؟؟ ولا انا اقول بدليه
لوول
المهم
طاف ما عليك من احد.. ظهر الحق وزهق الباطل
:)
==
شراح نكتب عنه !!!
شكلها بنقزرها حب وشعر و أدب وقصص !!
زهبوا روحكم
تعليقي
انا بقزرها ابله امل
لوووووووووووول
;pp
أهلا..و سهلا
صارت فيك؟؟؟
هاهاهاهاهاهاهاها
الأخت طلعت بواقه عوده
و لما أشتكوا أعضاء المنتدى عليها
قالوا لهم المسئولين عن المنتدى
ذبحتنا..عيزنا و أحنا ننبهها
يالله ما عليه
صـــــــــــــادوك
=====
على الصعيد السياسي
الوضع صخــــــــــــــه
و ماني مرتاحه من الصخه
فوق شينها قوات عينها
هذه تنفع وزيرة والا رئيسة بعد
هذه مرة بايقة من بنت الشامية بعد اذا ماني غلطان
كان شاركت وحطيت لنك لمقالتك وفشلتها جدام جمهورها
قط وراك يبا
لو بتنتبه لكل واطي بالديره منت خالص
ركز على محاور الامور واصلاحها
وبالنسبة للخبر من صديقك داخل المجلس
ما مدى ثقتك في أخباره؟
لأن الخبر جدا خطير
سلام ..
بالنسبة للأخت عادي فوق شينه قواة عينه ..
وايد ناس من هالنوعية ..
أما الحل .. فلا حول ولا قوة إلا بالله ..
والله يكتب اللي فيه الخير للكويت .. ويستر من الياي ..
دخلت لأعلق على موضوع باسكن روبنز لأفاجأ إنه انباق ؟؟!!!
الله يكافينا شر هالبوقات وزين انه في احد جكها
اما ع المجلس فصار لعب يهال !!
أهم شي وحتى أكن منصفة لووول
والله مرة واحد نقل موضوعي واستأذنمني أولا ونقلها وكتب اسمي ان هالمقالة بقلم فلانة الفلاني .. والله صج احسن من هذول الي ياخذون ولمن ينصادون يقولون شفيها وما شفيها ؟؟ يرضونها على نفسهم ؟؟
سلامات..خطاك السو
أما عن الحل غير الدستوري فمار راح نقزرها شعر وأدب رومانسي ...بالعكس شعر سياسي ومقالات سياسية .. أنا بأزهب شنطة السجن
راح نتكلم ونصرخ ونخلي العالم كله يسمعنا
زهب روحك
@@
اشرايك بالي مواضيعها تفتر بالايميلات :\
لاعت جبدي وانا اقووووول لو ابي انشر بالايميلات ترا اعرف بس انا شخصيا مابي ولا حياة لمن تنادي ..
ترى اكو قانون لحفظ حقوق الملكيه الفكريه :)
الحمدلله والشكر ناس فاضيه .. حتى مخها مو راضيه تشغله :p
عادي يا كويت الخير عااااااااااااادي
يقولون دايم الشخص الناجح اهوا اللي يتفلع من كل مكان -> شرايك بالمثل بعدالتحريف ؟
ويقولك بعد : كن كالشجر يرميه الناس بالحجر ويعطيهم الثمر
عااااااااااااااادي .. خلك ريلاكس
وهذا دليل على نجاحك والا جان ماباقت هالبواقه وحطته :)))
خطاك السو
وما قصروا الاخوان معاك
ولو باقي المدونين عارفين جان افزعوا لك بالعجره ... (=
اخي لاحظ استنكرت على الدوله الفساد
ولم تنكره على نفسها وهذي هيا الازمة
كل واحد بيصلح من الزاوية الي عند غيره متناسي زاويته
يبا نقزرها بالمهري
ماعليه الدنيا هاليومين قايمه على البوق
:))
wellcome to the club
كلنا عانينا من هالمشكله
انا و الزين انبقنا من شخص واحد
سجلنا بالمنتدى و فضحناه
:(
اصلا مرات تنسد نفسك عن الكتابه و السبه البوق
حسبي الله و نعم الوكيل
على فكره اغلب المدونين يعانون من هالقصه
!!
البوق مو يديد بالمدونات عادي
والله يعينك
واااااايد تصير
بس هااذي مع شينها قوات عينهااا
خطاك السو
والحمدالله انك عرفت فيها
كويت الخير ..
مرحبا بك في عالم الانترنت .. حيث الاشخاص يختبئون وراء الاسماء المستعارة ويفعلون ما يشاؤن ويقولون مالا يفعلون :)
اسم الله عليك
زين ما باقوك ...اشوف صار مخامط
الديره كلها معفوسه
وهذي الانسانه للاسف ما عندها ذوق
وزين نبهوك الاخوان ...
والله فشله ..
لو انا مكانها اطلع من المنتدى بكبره
وخزيااااه
ناس ماتختشي ..ابدا ..وانا اقول لو تمر على باسكن روبنز واتبرد على قلبك اشوي عقب هالبوقه
وورا الايس كريم ماي صحه لتر
علشان يتعدل مزاجك يا خوي
والمجلس اذا حلو ...قزرها عليها وكل يوم دش المنتدى وذكرها بالبوقه
:)))
أخوي الكويت الخير ...
حضرتك حصلت اطرء كبير من "البواقة" دون لا تدري ... فرأت البنت أن مقالك مبدع لدرجة ارادت اكتنازه لنفسها..
هذي خوش شهادة بحقك ...
واانت كانت بطريقة غلط
ربي يبارك فيك وبمقالاتك
اي والله ، فوق شينهم قوات عينهم !
يالله ، هذي ضريبة النجاح :)
هنيئا لك .
:P اي شي
حتى المقالات يبوقونها ؟!
يالله ما عليه .. الديرة كلها انباقت ..
قول حسبي الله ونعم الوكيل
والله كفيل فيها :)
why me ...
هلوو .. الحمدلله بخير :)
لا صح هبااااء :)
بس خوفج ابلة امل اتقاعد وبعدها تتوهقين !!!
:):):)
على راسي المرور .. ويسلموااا :)
nanonano ...
أهلين ..
اي ضحكي .. احر ماعندي ابرد ماعندج !!
اها جذي طلعت السالفة عيل .. الاخت لها سوابق !!
هذا الركود قبل العاصفة !!
على راسي المرور .. ويسلموااااا:)
كويــتي لايــعه كبــده ..
اي ربعنه النواب يحتاجون هالنوعيه :)
في ناس سووها قبلي .. يعطيهم العافية ..
يالله على الله يبه !!
والله كلامه خذ وخل !!
بس هم السلطان قال جذي .. عالعموم الايام اكشفت غير هذا ..
تسلملي .. ومنور :)
أحمد الحيدر ..
وعليكم السلام ..
يالله شر البلية مايضحك !!
ستبدي لنا الأيام !!
تسلملي .. ومنور :)
MoRooJiA ..
عيل مره ثانية عجلي شوي :)
مشكلة اليهال لي لعبوا لعبة كبار !!
على راسي المرور .. ويسلموااا :)
طموحة مملوحة ...
كاااااااك . شفتي شلون !!
يعني يكون مغيرة !!
اي هذولي المحترمين .. مو هذي ..اعوذ بالله !!
على راسي المرور .. ويسلمواااااا :)
ولاّدة ..
الله يسلمج .. خطاج اللاش ..
يعني هذا قولج !!
يالله عيل نزهب روحنه .. معاج :)
على راسي المرور .. ويسلموااا :)
Kuwait ..
اوووووه .. شكلج عيل واااصله :)
يالله شر البلية ما يضحك :)
على راسي المرور .. ويسلموااا :)
ReLaaaX..
يالله الفضاوة تسوي اكثر من جذي !!
عااادي :)
المثل الثاني واايد اذرب :):):)
يالله على قولتج .. ريلاكس :)
على راسي المرور ... ويسلموااااااا:)
مركبنا ...
خطاج اللاش .. اهم شي الاخوان :):):)
كااااااااااااااك .. حلوة المهري .. والله خوش موضوع .. لانه يتصف بالديمومة :)
على راسي المرور .. ويسلمواااا :)
abu eldestor ...
اي والله الاصل صار هاليومين هو البوق !!
وعلى افه من يشيل !!
تسلملي .. ومنور :)
darkness ..
زين سويتو فيه !!
اي والله تسد النفس !!
يالله لا طاعج الزمن ولا طيعه !!
لنا الله ..
على راسي المرور .. ويسلمواااااا :)
Mishari ..
الله يعين الجميع اخوي ..
وحياك الله .. ومنور :)
عفره ..
خطاج اللاش اختي ..
شر البلية مايضحك ..!!
الحمدلله بفضل اهل الخير :)
على راسي المرور .. ويسلموااااا :)
Bo :: @yman ...
ليش تحسسني اني توني اعرف شي اسمه انترنت !!
تسلملي .. ومنور :)
صبا ...
شكرا يمه :)
شفتي شلون .. احنا وين وهي وين !!
شر البلية مايضحك!!
اي والله يبيلي ألقم روحي بكور باسكن روبنز لمن يروحون اللوز !!
كااااااااااااااااااااااااك .. اي والله عشان تقول : خلاص ماسوت علينه !!
على راسي المرور .. ويسلمواااااا :)
حجر كريم ..
شكرا اختي .. وهذا من ذوقج .. وكلامج وسام على صدري :)
أجمعين ان شاء الله ..
على راسي المرور .. ويسلمواااا :)
منطلقة بطموحي ..
شر البلية مايضحك ..!!
تهقين جذي !!
بس خوفج تكون غالية !!
شكرا :)
على راسي المرور .. ويسلمواااا :)
ريــــــانــه الـعـــــود ..
شفتي شلون !!
اكو شي ما انباق بهالديرة !!
حسبي الله ونعم الوكيل ..
على راسي المرور .. اسعدت بتواجدج اختي .. وحياج الله دوم :)
جذي بووق اشكره
خو جان دزت لك رساله خاصه او تعليق انه باخذ ماقلتك و بنقلها بس للاسف لاحياء عند النقل
إرسال تعليق