الثلاثاء، 13 يناير 2009

* عندما اعشق *


عندما أعشق !




عندما أعشق ... يعجز عقلي عن التفكير !!



عندما أعشق ... يعجز لساني عن التعبير !ّ!



عندما أعشق ... تعجز عيني عن النظر فأعمى وأنا بصير !!



عندما أعشق ... يعجز قلبي عن النبض فأموت وأنا حي !!



عندما أعشق ... أرى شمس الليل وقمر النهار !!



عندما أعشق ... تكون لذتي كلذة الصياد ، لا تكون إلا في المطاردة !!





لا يعرف الحزن إلا كل من عشقا وليس من قال أني عاشق صدقا

للعاشقين نحول يعرفون به من طول ما حالفوا الأحزان والأرقا




و يقول بعض حكماء الهند ( ما علق العشق بأحد عندنا إلا وعزينا أهله فيه )


فالعشق في نظرهم هو الموت ..!




فالعاشق يتبع هوى المعشوق على القرب والبعد، ويؤثر رضاه على الغيبة والحضور، ويطيعه طاعة لو أن العباد أطاعو ربهم مثله


لخلت جهنم، يسهر الليل يتقلب على فراشه من الشوق أليه والخوف منه والطمع فيه ، ويعد الكلام الطويل ليقوله له، فإذا لقاه نسي ما


كان أعده من هيبته ..




أنا من أهوى ومن أهوى أنا نحن روحان حللنا بدنا




إن تكلم لم ينطق بغير حديثه، وإن سكت لايفكر إلا فيه ، ينام الناس ويسهر له ،ولا يبصر سواه ،يراه بين شطور الكتاب إن نظر في


صفحات الكتاب ، وفي وجه البدر إن رنا طلعة البدر، وبين النجوم إن أبصر فيها ، فهو يرى عاشقه في كل حين فإذا فتح العينين رآه


وإن أغمضها رآه ..




وإني لأكره النوم في غير حينه لعل لقاء في المنام يكون





آآآآه على العشاق !!








" اللهم أرحم العشاق ...


حيهم بائس ، وميتهم منسي ، وحديثهم ضائع !!

اللهم أرحم العشاق ...


لا يقام لشهيد قبره ، وإن أقيم له لم يقف عليه أحد ، ولم يحفظ له تاريخ !! "






وأخيرااا :

(( العشق داء الفارغين : ))

هناك 31 تعليقًا:

بس يقول...

و الحب بلا و العشق سم قاتل ؟

BenTBonD يقول...

اي والله صح لسانك العشق داء الفارغين
ماقدر اتكلم واقول اكثر لان الفراغ العاطفي مصيبة وعذاب
اييييييييه يا بنت بوند الله كريم

والله يهداك فجيتلنا باب يعور
عاد مالقيت موضوع الا العشق
جان كتبت عن الكراهية وطق مطاقق احسن من العشق والوحده

أبو لطيف يقول...

اييييييييه


الكلام كان ماشي حلو

بس الختمة مو حلوه

الفارغين عقليا او فراغ الوقت :)

حدد

ومثل ما قالوا

سم قاتلو

عشقت البوست :)

حفظك الله

-mate يقول...

أقول قول حق أمك إدورلك
;q

lawyer يقول...

وي حسستني ان طاعون مو حب !!!



احلى حب على النظريه الكويتيه

اذا تبي الواحد يخف من العشق


يتزوج معشوقته
و عب ياهل واحد ينحاش العشششششق








بس كسرتك اخر شي موتتني ضحك

نور سلطان العيسى يقول...

كويت الخير ..

رائع الكلام .. لا يعرف العشق .. إلا من مر به ..

من الأفضل .. أن تكون معشوق ولا تكون عاشق ..

ولكن .. هل العشق .. نعمة أم نقمة ..وهل هو مرحلة .. وتنتهي؟

الله يعين العشاق ..

شكراً.. أعجبني الطرح .. بجد ..

ساره النومس يقول...

اخيييييي تنحت على الكلام والله بس آخر شي خرتها .. ليش الفارغين ؟؟؟

العشق ايي من الله والحب من الله .. محد له ايد بالموضوع مو يقول بحب فلانة خلاص حبها ... لا ياخوك ... مو الفارغين ...

العشق مشكلة المحبين من قلب ...

وصعب تلقى بهالزمن واحد أو وحدة يحبون من قلب ... مصالح يخرب بيت هالمصالح

Kaadi يقول...

اودع العشق والعاشق في هالزمن !! ما يوصل لعشق احد ..بس يمكن اعجاب و حب فقط

@alhaidar يقول...

برأيي كل ما كتبت جميل خاصة الجملة الأخيرة في هاليومين !!

أنا من أهوى ومن اهوى انا .. نحن روحان حللنا بدنا .. فإذا أبصرتني ابصرته .. وإذا أبصرته أبصرتنا :)

هذي تكملة الجملة اللي تفضلت بكتابتها ..

بس عاد هاذي منقالة عن الرسول للإمام علي ابن أبي طالب سلام الله عليه وكرم الله وجهه ( عشان لحد يزعل ;p )

احنا ويييين والحب اللي عند هالناس العظام وين :)

بوست مميز والله يعطيك الف عافية اخوي :)

Mamloo7a Q8ia يقول...

الله يهداك يا وخيي
اقرا واقول الله
شي شي
شهالكتابه
واول مره يكتب بوست رومانطيقي
وبالاخير
-
-
-
-
العشق داء الفارغين
؟؟؟؟؟؟؟؟


كسروا خاطري العشاق
:(

SHAHAD يقول...

الله يرحم حال العاشقين

ما يدرون لما عشقوا محبوبهم عشقهم الحزن والهم بنفس الوقت : )

Kuwait يقول...

كلامك وكسرتك بالاخير تدل على عشق واحد :
" عندما تعشق المنتخب الكويتي "
لوووووووووووووووووووووول ;q

حياتي هدف مو عبث يقول...

هذا مرض من أمراض القلب ، مخالف لسائر الأمراض في ذاته وأسبابه وعلاجه ، وإذا تمكن واستحكم عز على الأطباء دواؤه وأعيى العليل داؤه

* ابن القيم

:)

Hamad Alderbas يقول...

هونها يا خوك

العشق شي حلو

وناره تستمر حتى بقرب الحبيب :)

الوتين يقول...

انا احس الحب فيه متعة ام العشق فيه ألم...
بوست حلو

om comment kuwait يقول...

قريت العنوان قلت اكيد قصة حب !!
بس المفاجأة قوية اللي كانت بالنهاية ..

-------------------------------
الحب الصادق و العشق الابدي هو اللي يكون بعد الزواج لان الزواج هو التتويج الرسمي لها :)

nanonano يقول...

:))))))))

لا والله العشق كلّش مو داء الفارغين

بس منو يحصل له

هذا اللي يضيق الخلق

مصعب يقول...

ههههه
يا حلوك يا بو عشق انته
الله يكون بعونك

مشكور خوش كلام

darkness يقول...

و هل سمعت بان العقلاء يعشقون

وحدهم المجانين من يفعلون

و ما من مجنون استطاع ان يثبت رؤيته

او حتى يقنع واحد من هذا الكون

و عشقٌ و جنون لابد ان ترسم داخل العيون رسوم

لا تمد للحقيقه اي صله

و عندها تحكم البصيره

و يضطرب القلب يستجدي لعل احد ينقذه من مصيره


و لكن هيهاااات

فالعشق داء حير كل العقلاء

:)

تجمع الحقوق يقول...

أنا بعشق البحر

علشان زيك حنون

صقر قريش يقول...

اعان الله العشاق فهم في نظري المعذبون في الأرض تدوينة رائعة اعجبتني جدا سلمت يمينك وأنا عاشق (لكل جميل:)) فلايذهب ظنكم بعيدا:).

قبل فترة قصيرة اقتنيت كتاب كيف يموت العشاق لإبن عقيل الظاهري يبدو لي انه ممتع شجعتني على قراءته لك جزيل الشكر:).

Q8EL5AIR يقول...

بس ..

ان اشهد انه بلا .. واذ اصاب الواحد .. فعظم الله اجره .. مثل ماقالوها اهل الهند :)


تحياتي لج اختي على المشاركة البسيطة لكن تعبر عن المعنى بشكل كافي ومختصر :)





BenT BonD ..

صح بدنج ..

ايييييييييه قلبج متروسه :):):)

لازم شويه ننوع .. والعشق شي حلو بس اذا كان بمكانه الصحيح :)


على راسي المشاركة والمتابعة .. حياج الله اختي :)

Q8EL5AIR يقول...

أبو لطيف ..

والله ياخوك شكلها الاثنين !!

لو مو فارغين عقليا جا ما ينووا !!
ولو مو فارغين وقتيا جان ماعشقوا !!


عشقت تعليقك :)


حفظك ربي ورعاك .. على راسي المشاركة والمتابعة .. حياك الله :)






mate ..

كااااااااااااااااك :)

يالله على ايدك .. ماقلنه لا !!!
بس عاد توصه فينه !! :)


تسلملي على المشاركة والمتابعة :)

Q8EL5AIR يقول...

lawyer ..

والله اختي اخاف الاثنين نفس الشي !!

الاثنين يقتلون .. ومن الحب ماقتل !!

المشكلة ان كل نهاية العشاق تكون فاشلة !! .. والتاريخ يشهد !!

ان شاء الله دوم الضحكة :)


تسلمين على المشاركة والمرور الجميل .. وحياج الله باي وقت .. المدونة مدونتج :)





بنت سيف ..

حلوه تكون معشوق ولا عاشق !!
نفس وزن كون مظلوم ولا ظالم :):):)


بالنسبة للتساؤلات .. فكلها مطروحة للاجابة وصحيحة !!
على حسب العاشق - المعشوق - الظروف المحيطة - القدر !!!

وربي يسهل عليهم :)


عفوا .. وحياج الله باي وقت .. على راسي المشاركة الجميلة من حضرتج :)

Q8EL5AIR يقول...

طموحة مملوحة ..

لا اله الا الله .. ونعم بالله .. ماقلنه شي .. بس الواحد خل يعرف منو يختار .. مو من اول نظرة طق وحب وبتلش .. يامن شراله من حلاله علة !!

اي والله مشكلة المحبين من قلب !!
بس خوفج هذا يؤديهم الى الجنون ومن ثم القتل !!
ومن الحب ماقتل !!!


لا ان شاء الله فيه .. بس يبيله شغل وتعب .. وناااادر :)


على راسي المشاركة والمتابعة اختي .. دايما تعليقج هو الاروع :)







Kaadi ..

والله يمكن .. بس مانقدر نحكم على الجميع !!

يامه تحت السواهي دواهي :)


حياج ربي اختي .. وتسلمين على التعليق الجميل :)

Q8EL5AIR يقول...

أحمد الحيدر ..

عيونك الاجمل اخوي :)
اي والله هاليومين كثروا الفارغين !!


يالله .. كثر مانقدر نحذوا حذوهم :)
اهم شي مانشط عن الطريج الصح .. لانه بيودرنه !!


الله يعافيك .. دايما تعليقاتك محل اعجاب مني .. على راسي والله :)







Mamloo7a Q8ia ...

رومانطيقي شنو !!

شسوي بعد هذا حالهم مساكين .. ولا احد يدري عنهم .. وعن بلاويهم !!
الي كتبته نقطة في بحر !!


عسى الله يكون بعونهم :)


تسلمين اختي على المشاركة .. ودايما تعليقاتج محل ترقب مني :) ,, على راسي والله :)

Q8EL5AIR يقول...

SHAHAD ..

اييييييييه ,, مايدرون !!

تهقين لو دروا قبلها يحبون ويعشقون ويتحملون كل هذا .. ولا شالله حادنه !!


تو مانورت المدونة ..

وحياج الله اختي باي وقت .. والمدونة مدونتج .. لا تقطعين :)





Kuwait ..

كااااااااااااااااااااااك :)

كلش مو متأثره بالمنتخب !!


على راسي والله المشاركة الجميلة :)
ومنوره :)

Q8EL5AIR يقول...

حياتي هدف مو عبث ..

اي والله مشكلة امراض القلوب .. دايما محل صعوبة عند الاطباء !!

على راسي ابن القيم :)

حياج الله اختي .. وتسلمين على المشاركة المثمرة :)






حـمد ..

هذا مو حالي ياخوك والحمد لله .. هذا حال العشاق !!

شكلك منهم ها :)

بس اخاف تحرقهم اذا قربوا اكثر !!!

حياك الله اخوي .. ومنور :)

Q8EL5AIR يقول...

الوتين ..

والله حكمة :)

بس تدرين شنو المشكلة .. انه اذا حبيتي .. بعد مرور الوقت .. فجأة تحسين انج عشقتي !! .. فتتألمين !!

بش والله حكمة :)


على راسي والله .. وتو مانورت المدونة .. وحياج الله باي وقت المكان مكانج :)







om comment kuwait ..

حلوة المفاجاة :)
عدل كلامج بس هذا اذا كان بين الرجل والمراة .. بس المشكلة اذا كان بين الجنسين !!


تو مانورت المدونة .. حياج الله اختي باي وقت .. والمدونة مدونتج .. وتسلمين على المشاركة الجميلة :)

Q8EL5AIR يقول...

nanonano ..

:):):):)

عيل الي يدعون العشق طلعوا مو عشاق بس جذي !!
اي والله منو الي يحصله .. بهالايام صعبة !!


حياج ربي اختي .. وتسلمين على المشاركة والمتابعة :)





صالح..للشعر والمبطط الكبدي ..

اهم شي انه اعجبك :)

الله يكون بعون الجميع !!

عاد احنا انتعلم منك .. انت استاذ .. " مريم العذراء " :)

حياك ربي .. ومنور والله :)

Q8EL5AIR يقول...

darkness ..

صكيت علي جنج :)

على راسي والله كلامج .. بس منو الي يسمع !!
اي والله وحدهم المجانيين !!

دايما تعليقاتج محل اجاب مني .. تسلمين :)


حياج الله اختي .. ومنورة :)





تجمّع الحقوق الطلابيّة ..

حبايب ألبي :)
تسلمولي :)

خوش تجمع شكله .. اعجبني الاسم :)

وحياكم الله باي وقت .. المكان مكانكم :)






صقر قريش ..

عيونك الجميلة والله :)
اوله " المعذبون بالارض مرة وحده " .. والله مو بعيدة !!

اشكرك على حسن ظنك فيني .. وعلى راسي والمشاركة :)

وخبرنه شيصير معاك على الكتاب !!


حياك الله اخوي .. ومنور والله :)