جيكو على الوييه !!!
في البداية تحية وعلى راسي .. مبادرة الازرق بلبسهم " للكوفية الفلسطينية " ..
وتقديمهم هالرسالة الجميلة لاخوانهم في فلسطين .. وتأييدهم لقضيتهم ..
ومو غريبة على عيالنا :)
صج انه حسب المعلومة الي وصلتلي .. انه واحد من شباب الكويت " اعرفه من بعيد " .. راحلهم المطار قبل سفرتهم وعطاهم
الكوفية الفلسطينية .. عشان يلبسونها في الافتتاح .. كمبادرة منه جزاه الله الف خير ..
والصراحة ماتحققت من الشخص نفسه .. لكن الي وصلي المعلومة شخص ثقة :)
" يا نكون الي نبي ولا عسانا مانكون "
قوله جميلة .. انقالت من قبل شاعر من شعراء المليون لمن سألوه عن حكمته بالحياة !!
والصراحة هذي كانت نظرتي للمنتخب قبل دخوله لكاس الخليج الحالي ورفع الحظر !!!
فيا نشارك بكاس الخليج ونبيض الويه .. ولا عسانه ما دشينه !!
تكفوووووووووووووووووووووون .. وتكفه تهز الرجاجيل ..
نبي روح .. نبي الكويت بقلويكم .. تكفون حسوا فينه .. ملينا من الطنازة والشماته ياسعد من الدول الي حولنا !!
نبي العاب برازيلية .. نبي رؤوس المانية .. نبي قتال ايطالية .. نبي مهارة هولندية ..نبي سرعة نيجيرية .. نبي شوتات انجليزية
صج ان لعبنا جدام عمان " بوجهة نظري " .. ماكان ذاك الزود .. والدليل الضغط العماني طول المباراة .. واقتصرنا فقط على
الهجمات المرتدة الي ضيعها " الاثول " عجب .. مع احترامي له .. وانا من المعجبين فيه .. بس الظاهر لانه اول مره يشارك بخليجي
فمو متعوده ديمن !!
لكن ان شاء الله راح يبيضونها .. هالمره احفاد المرعب !!
وصج انه عقدتنا على اخر جم سنه هي البحرين .. بعد ماكنه نطقهم على الراهي 3 و 4 .. والحين زين منه تعادل !!
وصج ان معاهم " ماتشاله " .. الي خابزنه خباز .. وعارفلنه عدل .. واحنا معانا الشنص" بونواف" !!
وصج انه البحرينيين طوال القامه .. واحنا من طقة بدر حجي ونازل !!
بس كل هذا مو مهم " اقص على روحي طبعا " ... والمهم الروح والقتال ومن هالحجي !!
تكفون مانبي شيشة بعد الغدا اليوم !!
تكفون مانبي جل بالشعر واقذل !!
تكفون مانبي زقاير بين الشوطين !!
مانبي تفلسف وتلبسون لابجينين طبجه بطبجة !!
يالله يستر عليكم .. ويوفقكم .. ويسدد شوتاتكم .. ويحمي مرماكم !!
مع هذا فانا متفاءل ان المنتخب راح يسوي شي اليوم .. وراح يثبت منو الازيرق !!
ورسالة حق بونواف " الشنص" .. تكفه لا تعصب وااايد زيادة عن اللزوم .. وتكفه دخل فهد الرشيدي
لانه هاللاعب عند مهارة جميلة .. وراس احلى .. خصوصا البحارنة طوال !!
جم اتوقعون !!!
------------------------------------------
ادري الكل بيقول " شنو هذا قراج بيتكم " .!!
وبكل حسره راح اقول لا !!
هذا بيت مالك شركة فيراري .. والخافي اعظم .. طبعا !!
الي مايطول العنب حامض عنه يقول !!
المهم لو يعطونك وحده منهم ويقولولك هذي سيارة عابرة للزمن !!
وين تروح لاي زمن ..!!
بعد ماتمرني طبعا :)
-----------------------------------------------------------------
هذه ابيات اهديها لكم : لعنترة بن شداد .. " الي مثل ماقتلكم هاب فيه اليومين " :)
قالها لحبيبت القلب عبلة .. وهو قاطعها مكان !!
يقول بوشداد وهو صادق :)
ياعبل قري بوادي الرمل آمنة ... من العداة وان خوفت لا تخفي
فدون بيتك اسد في اناملها ... بيض تقد اعالي البيض والحجف
لله در بني عبس لقد بلغوا ... كل الفخار ونالوا غاية الشرف
خافوا من الحرب لما ابصروا فرسي ... تحت العجاجة يهوي بي الى التلف
ثم اقتفوا اثري من بعد ماعلموا ... ان المنية سهم غير منصرف
خضت الغبار ومهري ادهم حلك ... فعاد مختضبا بالدم والجيف
مازلت انصف خصمي وهو يظلمني ... حتى غدا من حسامي غير منتصف
وان يعيبوا سوادا قد كسيت به ... فالدر يستره ثوب من الصدف
وتحياتي ...
ويسلموااااااااااااااااااااااااااااااااااااااااااااااااا :)
هناك 24 تعليقًا:
هههه يبدو أنك متشااائم بشدة، أو فلنقل "متشائل" للمسة التفاؤل التي ختمت بها :)
أتوقع واحد صفر لصالح منتخبنا الوطني، وإذا فازت البحرين فما في مشكلة أيضًا لأن "خليجنا واحد".
يا مدونة كويت الخير !!
شنو عجب أثول ؟؟
وشنو لاعبينا بدر حجي وأقزم ؟؟
والله أني أحبك يامدونة كويت الخير ولكن أسلوبك خايس جداا !!
أتمنى الفوز للكرة الكويتية "
اليوم يوم الفوز ... ألعب كويتي ألعب
يعطيك العافية ولا كلامك يبرد الجبد على المنتخب صح لسانك ..
وبصراحة متوقع التعادل الإيجابي ..
بالنسبة للكراج اول شي عبالي مصور ببيتنا بس يوم دققت لاحظت الفرق ..
احنا عندنا نيسان تيدا وهوندا اهم جنه سياراتهم غير ;p
عنترة مادري شسالفته بس حلوة أبياته مثل ويهه :) على فكرة مو طنازة لا سمح الله ولا غشمرة جد هالآدمي أحبه .. شعره عجيب واعتزازه بذاته ولونه أعجب ..
ياليت نلاقي بمثل مواصفاته بهالزمن :)
وشكرا على البوست المميز :)
q8el5air
الزم ماعلي جامات سيارتي، بطلع إبقاري اليوم خوفاً من الحوش
وترى الحظ ماحالف عجب، يبدو إن سحرة عمان حاطين تعويذة عند عارضة الحبسي!
كان أداءهم مقنع جداً جداً جداً رغم أنهم تعادلوا وبالعكس التعادل زين ضد فريق وصيف البطولة مرتين متتاليتين ويلعب بين أرضه وجمهوره. خف عليهم إشوي
:)
أما عن توقعاتي، أشوف إن منتخب البحرين اليوم ليس كمنتخب حقبة الثمانينات والتسعينات فتابعت أداءهم في تصفيات كاس العالم عندما لعبوا ضد اليابان وأستراليا
فريقهم ترى صخر صخر صخر
والله يستتتتتتر!
----------------
إذا كانوا عابرين للزمن، ودي العصر الجاهلي أحسه زمن سرسرة وجواري
:q
وبعدين الله يهدينا للإسلام عقب ما نستانس
لووول
----------------
راح عنترة ويانا بو حنان
:)
ههههه
سخي ما شاء الله
ثلاثة في واحد
الكرة ما لي فيها
بس عسى الله يوفق شبابنا
ويسمعون نصايحك
...
عبر الزمن
شوف لنا زمن ما فيه بشر وايد ... نبيها محفوفه
...
عنتره
قاطها بوادي ويقولها قري
لو بزمنا جان اكل طق سنع بساعة
خبري في عنتره ...مع الجدل الدائر هل هو شخصية حقيقية ام خيال
ولا اعرف اين انتهى بهم المطاف
امتعتنا
جزاك الله خير
حفظك الله
كثيرون لديبهم تحفظ علي الدورة
أما أنا فاظن علي العكس أنها ستكون مناسبة للتضامن مع غزة
ميسك بالخير
اول مرة اكتشف ان عندك بلوغ لول :)
اووه يا الازرق
راضية بالتعادل و الله :))
صار عندي امل ان شاء الله
واحد صفر
______________________
ماعلى الكراج لوووووووووول
كل وحده تقول الزود عندي :))
______________________
الف الحمدلله
فزنااااااااااااااا
مبروك يا خوي
كنا متعطشين لهالفووووووز
الف الحمدلله
اختك صبااا
لووووووووووووووووووووووووووووووووول
مبرووووووووووووووووووووووووووووووك
فزنـاااااااااااااااااااااااااااااا
Q8EL5AIR
مبرووووووووووووووووووووووووووووك الفوز
بيضوها الازرق اليوم
واللي عجبني اكثر واكثر اهوا الخالدي مع صداته للكرة
جد حدي مستانسة اليوم عالفوز مع اني
ماكنت متابعة مباراتهم اللي قبل
ضحكتني والله لما قلت "ادري الكل بيقول " شنو هذا قراج بيتكم " .!! وبكل حسره راح اقول لا !! "
ههههههههههههههههه
كسرت خاطري
وطال عمرك اذا عطوني وحده منهم وامرك فيها اخليك انت تختار الزمن اللي تبيه افا عليك <<< اشرايك فيني بس وايد كريمه ها
واقول اكو عنتر كويتي ولا لأ؟
مبرووووووووووووووووووووووك
هيااااااااااااااااااااااا
قولولولووووووووووووووش
فازوااااااااااا فازواااااااااااا
أتوقع النتيجه 1 - صفر للكويت يلا شنو جائزتي ;q
لوووووووووووووووول
لو يعطوني سياره أقعد بهالزمن ومابي أمرك يلا حلات الوساعه بعد ليش الشقى والحنه والرنه بالسياره حلات الواحد يستلم الخط االسريع من العبدلي لما الوفره رايح راح بروحه ;q
مبروك الفوز وكله من بركات دعائك ومجهود الشباب ... الله يعطيهم العافية
:)
نـــــــــســـــتـــاهــــل
ألف مــــــبــروك
بروح العصر العباسي عند بهاء الدين زهير
:)
الف مبرووووك
ونسونا عسى الله يونسهم
بيضوا الويه هالشباب
وعسى الله يوفقهم ان شاء الله
جزاك الله خير وأدعوك لزيارة مدونتي
http://zwayaa.blogspot.com
مبروك الفووووز
بطلعة الروح
اخوي العزيز العدالة الكويتية ..
والله ياخوك .. اذا حكمت قلبي صرت متفائل .. واذا حكمت عقلي وعيني صرت متشائم !!
بس يالله الحمد لله فزنا وبيضوها :)
مبروك على التوقع الذي لا يخطئ ابدا :)
منور ياخوي .. وحياك الله باي وقت :)
dr.7md ...
والله من حرة مباراة عمان قلت جذي !!
وسامحنه ياخوك .. انتغشمر :)
شكرا على الحب الجميل !!
وحاك اخوي باي وقت .. تسلملي :)
أحمد الحيدر ..
الله يعافيك اخوي .. وصح بدنك :)
شدعوة ليش التعادل !!
هذا بيتك جيرانكم وانت الصاج :)
اما عنترة فلو اكلمك عنه ماراح اخلص !! .. داهيه من دواهي العرب !!
سيرته موصج .. خيال :)
العفو اخوي .. ومنور كالعادة :)
mate ..
حتى القاري اتوقع ماراح يسلم من البحارنه :)
التقديم زين .. بس مافيه خلاف انه الضغط كله عماني ..
الظاهر حاطين صفة سحره بمدرجات الي وره القول .. مو بعيده :)
ماراح اخف عليهم لمن اييبون الكاس .. من حبي لهم :)
اي والله صخر .. بس ان شاء الله كثرت الدق يفك اللحام .. قدها الازرق :)
كاااااااااااااااااااك .. تكفي خذني معاك .. يبتها بالصميم :)
على راسي العصر الجاهلي :)
عاش بوحنان فاليحيا :)
تسلملي اخوي .. ومنور دايما .. حبيب قلبي :)
أبو لطيف ..
تستاهلون اكثر والله :)
يبيله محفوفه .. بس انت نقهم .. ضبطنه هاه :)
كااااااااااااااك .. اي والله ياخوك حريم هالزمن .. جبريت اللهم ياكافي !!
اغلب الظن حقيقيه .. واذا ماخاب ظني الرسول - صلى الله عليه وسلم- ذكره مره في احاديثه .. فما اتوقع شخص وهمي :)
وياك ان شاء الله ..
حبيب قلبي .. ومنور والله :)
أشرف العناني ..
جميلة اللفته الاسلامية :)
عدل كلامك .. فرصة ويجب ان نستغلها بهذه الرساله الاسلامية والانسانية :)
لك حزيل الشكر على المشاركة الجميلة والمبدعه .. ولا تقطع :)
بس ..
مسيج بالخير والنوير :)
شنو !! .. اوله ياكبرها عند ربي !! توج تدرين !!
عيل خلاص مادام عرفتي المكان .. فاذا طابلج عاودي .. وانتشرف والله :)
شلون تعادل .. ومتفائله بالفوز !! شلون تصير هذي !!
حياج الله اختي .. وهذي الساعة المباركة يوم زرتينه :)
صبا ..
الله يبارك فيج اختي ..
اي والله من زمان فاقدين دموع الفرح !!
عساها دوم :)
حياج الله اختي .. ومنوره :)
BenT BonD ..
الله يبارك فيج .. ويستاهلون .. وعلى راسي الخالدي بدع الاخطبوط :)
وان شاء الله دوم مستانسه ..
شنسوي .. الي مايطول العنب حامض عنه يقول !! :(
خلاص بعد ماتمريني اقولج وين !!
شالكرم :)
في عناتر ان شاء الله :)
وحياج الله اختي .. ومنوره :)
Kuwait ..
الله يبارك فيج ... شدعوه ماخذين الكاس عاد .. توه الطريج بالوله !!
حلوة " قلوووووووش :)
مدام ماراح تمريني .. فماكو سيارة !!
ليش العبدلي والوفرة !! الظاهر اتاجرين بالطماط !!
حياج الله اختي باي وقت .. ومنوره دايما :)
nikon 8 ..
الله يبارك فيج اختي ..
اي والله عطوا من انفسهم شوي .. فيستاهلون التهنئة :)
حياج الله اختي .. ويسلموا على المشاركة :)
Kaadi ..
اي والله نستاهل .. من زمان ما فرحنا :)
حياج الله اختي .. ويسلموا على المشاركة :)
حياتي هدف مو عبث ..
منو هذا !! .. شيطلع !!
حياج الله اختي .. ويسلموا على المشاركة :)
Mamloo7a Q8ia ..
الله يبارك فيج اختي ..
وعساها هالفرحة دوم ان شاء الله :)
وعقبال الكاس ان شاء الله :)
حياج الله اختي .. ومنوره بهالتواجد :)
وجهة نظر ..
وياك ان شاء الله :)
اكيد بكون من المتابعين لك ..
بالتوفيق :)
Fankooshy ..
المهم فزنا ياخوك ..
من زمان ما استانسنه :)
حياك الله اخوي .. ومنور دايما :)
إرسال تعليق