شناطرين !!
الصراحة الي يشوف يوميات دولتنا الكويت والي يصير فيها .. يتوهق يكتب عن شنو!!
كل مشروع وكل وزارة وكل حدث يقولك عندي الزود .. واكتب عني !!
قمنه نطق اصبع من المواضيع الي تتكالب علينا من كل صوب !!
وانا من هؤلاء الناس الضايعين بهالمواضيع !!
فقلت اترسها لكم ببوست واحد .. بصيغة سؤال !!
شنو انا ناطر ؟
ناطر تشكيل الحكومة الجديد .. الي صارلها جم اسبوع موقفه الديموقراطية بالكويت !!
ناطر جلسة 13 الجاري وتهديد المليفي باستجواب رئيس الحكومة إذا ماحضرت وهي مشكلة !!
ناطر القمة الاقتصاية وعسى ربعنه يبيضونها !!
ناطر الكويت تفوز بكاس الخليج .. ويطلعون الكويتين بمسيرة تطلع حرتهم !!
ناطر شنب عربي او مسلم يطلع ويسوي نفس شنبات تركيا !!
ناطر شنب عربي او مسلم يطلع ويسوي نفس ماسوى الشنب الفنزويلي !!
ناطر المحكمة الدستورية تفصل في موضوع مدى دستورية عدم حضور الحكومة !!
ناطر وزير الصحة يحاسب الاطباء بمستشفى العدان !!
ناطر وزيرة التربية تحط لعيالنا عيادات بالمدارس !!
ناطر وزارة الاشغال تخلص من الدائري الاول !!
ناطر يسوون محطات كهربه وماي عشان مانتوقه الصيف الياي !!
ناطر افتتاح استاذ جابر الدولي يقولون 2009 !!
ناطر يفتتحون مستشفى جابر الي يقولون حطوا حجر الاساس بمكان غلط وتوهقوا !!
ناطر شنو راح يقول سمو الامير بتجر باللقاء مع النواب حول غزة !!
وانتوا شناطرين !!
--------------------------------------------------
اهداء خاص لكم جميعا .. ابيات للشاعر الذي يضرب به المثل بالجمال عنترة بن شداد :)
يقول بو شداد .. وبوشداد صادق :)
حسناتي عند الزمان ذنوب وفعالي مذمة وعيوب
ونصيبي من الحبيب بعاد ولغيري الدنو منه نصيب
كل يوم يبري السقام محب من حبيب ومالسقمي طبيب
فكأن الزمان يهوى حبيبا وكأني على الزمان رقيب
ان طيف الخيال يا عبل يشفي ويداوي به فؤادي الكئيب
وهلاكي في الحب أهون عندي من حياتي اذا جفاني الحبيب
يانســيم الحجاز لولاك تطفــــا نار قلبـي أذاب جسـمي اللـــهيب
لك مني اذا تنفست حر ولرياك من عبيلة طيب
ولقد ناح في الغصون حمام فشجاني حنينه والنحيب
بات يشكو فراق إلف بعيد وينادي : أنا الوحيد الغريب
ياحمام الغصون لوكنت مثلي عاشقا لم يرقك غصن رطيب
فاتــرك الـوجد والهوى لمحب قلـــبه قـــد أذابه التعذيـــب
وتحياتي ويسلموااااااااااااااااااااااااااااا :)
هناك 24 تعليقًا:
ناااااااااااااااااطرين الفرج :)
انا كنت ناطره قطر تجيب القول الثاني عشان تتاهل والحمد لله القول انحط
تسلم على شعر بوشداد
وانت
يسلموا :)))))))
انا ناطر نور سافر
بسنا ... ملينا الحجي
انا ناطر يوم يهاجر
من نواظرنا البجي
انا ناطر اي امل
واطلب ربي وارتجي
انا ناطر يجي باجر
وباجر ما عمره يجي
:(
ناطر ناصر المحمد يوخر
ناطرة ان ايي اليوم اللي ماييني شعور بشي و مايحرني وضع الديرة واعيش بدون احساس !!
انا نـاطـره أشوف انجاز للحكومه والمجلس @@
آنا صراحه كان كاسر خاطري بو ملوح ( قيس بن الملوح ) بس الحين قام يكسر خاطري وياه هالعنتر
بس شخصية عنتر اقوى من قيس بس يتشابهون بقرادتهم :p
انا مو ناطر شي, لان ولا شي راح يصير حتى لو نطرته سنين :(
ناطره رحمة الله علينا وعلى بلدنا
ناطره فريقنا يسوي مفاجأه وييب الكاس
:))
ناطرين المهدي :)
وايد أشياء بتظل تنطرها طول عمرك المديد انشالله بس بدون فايدة مع الأسف ..
تحياتي :)
ناطرة أخلص امتحاناتي :)
وناطره الانتخابات القادمة :)
أنا ناطره أم أحمد تلاقي أبرتها
ناطر الربع يخلصون من السوالف اللي قلتها عشان نشوف اشياء غيرها
لا تنتظر ...
{إن الله لا يغير ما بقوم،
حتى يغيروا من بأنفسهم} آية
اصنع الظروف المناسبة
يتغير وضعك لما تريد
إحم كلام دورت تنمية بشرية :)
المهم اممم
أنا ناطر ناطر ناطر اممم
بصراحة مو ناطر شي!
أرجو أن لا يكون هذا مظهر أنانية
فأنا قاعد أحاول أتلحلح
وأقرب الأشياء التي أريدها
لن تأتي لوحدها أثناء نظرتي!
وشكرًا ،،،
انا ناطرة نخلص تصحيح امتحانات البنات :/
اختي بس ..
منو قصدج سعد الفرج !!
حياج الله .. ومنوره :)
اختي هذيان ..
يالله بالبركة :)
خنشوفهم عاد اذا يسوون شي بنصف النهائي ولا لأ !!
تسلمين على المشاركة الجميلة .. وحياج الله باي وقت ..
ومنوره اختي :)
هلا بالحبيب بولطيف ..
نور - هاجر - امل !!
ها بولطيف شالسالفة !! :):):):)
عسى لاله اييبلك باجر باجمل حلته :)
حياك الله اخوي .. ومنور والله :)
abu eldestor ..
جنها صعبه شوي !!
شكلك مطول عيل بالنطره !!
حياك الله اخوي .. وتسلملي على المشاكرة :)
Kaadi ..
افه!! .. ليش !!
ترى الاحساس نعمة من الله .. ترى شي جميل الحزن والفرح ... الياس والتفاءل .. العسر واليسر !!
والواحد مايحس بالشي الا اذا فقده !!
عسى الله يجعل احساسج كله فرح وسرور ومحبه :)
حياج الله اختي .. ومنوره والله :)
Kuwait ..
في انجازات منهم ..
بس اذا تبين شي يسوه .. لازم تنطرين شوي اكثر :)
حياج الله اختي .. و تسلمين على المشاركة الجميلة :)
ReLaaaX ..
كلهم بالقرادة والهوى سوى !!
مادام حبوا .. عيل يتحملون الي يجيهم !!
ما يلوم الا نفسه !!
حياج الله اختي ... ومنوره والله :)
Yang ..
ليش ياخوك !!
انت بس انطر وجرب !!
جود اييك الفرج :)
تفائلوا بالخير تجدوه :)
حياك الله ياخوي .. ومنور المدونة .. ولاتقاطعنا من هالمشاركات الجميلة من حضرتك :)
Mamloo7a Q8ia ..
الللللله اهنيج على هالنطره .. صج تستاهل :)
وانا بنطر معاج بعد :)
حياج الله اختي .. وتسلمين على هالمشاركة الجميلة وموغريبة عليج :)
Bo :: @yman ...
اووووووووه .. الكبير كبير !!!
انا اقول انطر ايوب سايقكم !!
وحياك الله اخوي .. ومنور كالعادة :)
احمد الحيدر ..
لا ان شاء الله يسويه الزمن .. ويكون في فايدة :)
اذا طاعك الزمان ولا طيعه :)
حياك الله اخوي .. ومنور كالعادة :)
حياتي هدف مو عبث ..
فقد استرحتي عيل :)
اما الانتخابات .. فشكلها مو بعيدة :)
ماراح تنطرين واايد !!
حياج الله اختي .. ومنوره :)
nanonano ..
شدورين يا ام احمد .. ادور ابرتي !!
شتخيطين يا ام احمد .. ثوب احمد ولدي !
خوفج اتطول ..العين بصيرة واليد قصيرة !!
حياج الله اختي .. ومنوره والله :)
Fankooshy ..
الظاهر الي ياي اقشر من الي موجود !!
يالله سترك !!
حياك الله اخوي .. وتسلملي على المشاركة الجميلة :)
العدالة الكويتية ..
حكم يالعدالة حكم :)
مو انا ناطر هالتغير من الداخل !!
عدل والله .. ابدا بنفسك .. وادعوا غيرك .. ودع القافلة تسير !!
حياك الله اخوي .. ومنور كالعادة :)
SHAHAD ..
عسى الله يسهل عليكم والله :)
عاد الحين يايتكم امتحانات فاينل !!
عسى الله يكون بعونكم :)
واذا تبون مساعدة حاضرين :)
حياج الله اختي .. لج الشكر على هالمرور الي اسعدني كثيرا .. ولا تقطعينه :)
إرسال تعليق