بسم الله الرحمن الرحيم
ساكم الله بالخير جميع :)
والله ولكم وحشة يالمدونيين :)
الواحد مايحس بالحاجة الا اذا فقدها !!
اهيدكم هذا الشعر :)
أقمت إلى أن جاءني الليل راجيا ... لقاءك يا سؤلي و يا غاية الأمل
فأيأسني الإظلام عنك و لم أكن ... لأيأس يوما إن بدا الليل يتّصل
بداية
احب احمد الله على سلامتي ورجوعي لاهلي سالم غانم معافى ولله الحمد :)
والشكر كذلك موصول لكل من علق في بوست السفر " فمان الله "
على راسي .. واخجلتم تواضعنه :)
قبل لا اعطيكم فرشة عن السفرة وشنو صار فيها ..
بقول جم شغلة !!!!
اولا :
أحب اهنئ صاحب السمو امير البلاد الشيخ : صباح الاحمد الجابر الصباح
على مرور 3 سنوات منذ توليه الإمارة ..
وعسى الله يطول بعمره .. ويجعله ذخرا لاهل الكويت ..
وأسأل الله عزوجل ان يرزقه البطانه الصالحة .. ويرشده لما فيه
خير العباد والبلاد ..
اللهم ءامين ...
ثانيا :
الحمدلله اولا واخرا .. انه الهمني السفر في الاسبوع الي طاف !!
لانه يقولون ان اهل الديرة - المساكين - كلوا غبار لمن طفحوا !!
وقطارة العيون مهي راضي توقف بالصيدليات !!
مو قلنالكم شمقعدكم بالكويت !!!
:):):)
ثالثا :
بالاضافة الى الظروف الجوية القاسية في الاسبوع الماضي .. الا انه يقولون انه صاحبتها
ظروف سياسية اقسى منها !!
* "حدس " .. بتقدم استجواب لرئيس مجلس الوزراء ..
وشغلها الحامي من ندوة الى اخرى ..
يقولك بتصير حرب البسوس !!
خاصة انه استجواب رئيس مجلس الوزراء هو موضة اخر 3 سنين في المجلس ...
الي يحب النبي يضرب ..!!
اتوقع ربعنه النواب بالمجلس نسوا شي اسمه " استجواب وزير " ..
شخبااااااااااااااااااااري !!!
* الوضع بالنسبة للنواب احر من الجمر .. بين مؤيد ومعارض !!
السلف .. ضد الاستجواب بسبب التوقيت !!
( يعني يايبين شي يديد !!! )
الشعبي .. قاعد يحضر استجوابه .. ويقولون احتمال يسحب البساط من تحت حدس !!
( كالعادة مشكلتهم هي حب الظهور والزعامة )
فيصل المسلم .. بين انه يدخل مع حدس ولا يقدم استجواب بروحه !!
( موفق ان شاء الله )
احمد المليفي .. وسياسة " الغشمرة " مع الحكومة .. يهدد ويقول ويصعد .. واخر شي يقول
لا ياجماعة .. الاحالة للنيابة تكفي !!!
( الظاهر محامينه مو عارف يفرق بين المساءلة السياسية .. والجنائية )
عاشور .. يخشى ان يكون هناك اتفاق بين حدس و الحكومة على حل المجلس !!
( لا أمانة احلف .. قول ورب الكعبة .. سبحان الله طافت على الكل .. الا الذيب )
اليبراليين .. ليلحين ساكتين ومطمطمين على رايهم .. خوفهم يتوهقون ويناقضون روحهم !!
( الخوف انهم يصومون .. واخرتها يفطرون على بصلة )
رابعا :
ياجماعة شسالفة " بوخرشد " الي يطلع بقناة فلاش !!
هذا من صجه ولا يستعبط !!
انا من الناس الي ولا مرة شفت الي ينقال عنه " بوعيده " .. بس اسمع عنه ولا شفته !!!
بس اذا الكلام عن بوعيده صحيح .. اتوقع " بوخرشد " بوعيدة القادم !!!
لا جد موصج !!
شوفوه يطلع كل يوم الساعة 9 الى 10 بالليل !!
ببرنامج اسمه " بيني وبينكم " ... شدعوه
د.محمد العوضي وانا ما ادري .. لا والله شتان بين الثرى والثريا !!!
( اليوم ماراح يطلع على قولته امس بياخذ اجازة .. شوفوه باجر !!!! )
-------------------------------------------------------
نيي حق موضوعنه !!!
سفرة دبي :)
طبعا مع التقدم الي صاير بدبي يوم عن يوم .. والناطحات الي قاعدة تنبني موصج ..
خصوصا اعلى برج بالعالم " ليلحين ماخلص " الي منظره من بعيد
واااااااااايد حلو .. وحده قووووي !!!
مع هذا كله الا انه يقولكم ياجماعة ان الشغل كله وقف بدبي !!!
بسبب الازمة الاقتصادية .. ودبي الى الان خسرانه 180 مليار !!!!
ويقولون ان دبي راحت لابوظبي تبي سلف !!
بس الابوظبيين ماعطوهم ويه !! ... راحو للسعودية والكويت .. وهمن ماعطوهم ويه !!
والسبب ان اتفاقية مجلس التعاون الخليجي تنص على انه يمكن احدى الدول الخليجية انها
تعين دولة اخرى ولكن بشرط مخاطبتها كدولة ... مو امارة نفس دبي !!!!
يسولفلي واحد من اهل الامارات .. عن الازمة ..
يقول ان المهندس الخريج - قبل الازمة - كان ياخذ معاش تقريبا 3000 دينار كويتي !!
هذا اول مايتخرج .. بس الحين يقولك .. باليالله يحصل وظيفة معاشها 700 او 800 دينار كويتي !!!
التفنيش عندهم ببيزه .. شركة تويوتا توهه مفنشه 400 موظف عندها ..
ياحلات القطاع الحكومي :)
ناهيكم عن ارتفاع الاسعار عموما بدبي .. كلشي غالي ..
حتى اهل الامارات نفسهم متذمرين !!!!
--------------------------------------------
هذي بعض من قصاصات سفرتي ..
الاماكن كثيرة الصراحة ...
لكن اهمها " الاكواريوم " الي بدبي مول !!
اكبر شاشة عرض زجاجية بالعالم .. بس يقولون ان في وحد ثاني
بفندق اتلانتس " بجزيرة النخلة " بدبي !!!
والله العالم !!
مطعم " chill out " درجة الحرارة 2 او 6 تحت الصفر ..
تحربة جدا جميلة :)
هذا غير السفاري والمجمعات ... الخ !!!
مراسلكم من دبي الشقيقة ..
كويت الخير :)
تحياتي ...
ويسلمواااااااااااااااااااااااااااااااااااااااااااااااا :)
السفاري ( احنا تقريبا ماخذين 30 لاند كروزر ) :)
مسجد الشيخ زايد - الله يرحمه - في ابوظبي ..
رووووووووووووووعه :)
المسجد من داخل .. هذي الثريا :)
هذا قبره ..
الشيء الغريب ان لمن تمر عند القبر تسمع صوت قرآن .. انا عبالي حاطين مسجله !!!
طلع في قراء قرآن .. يقرأون على القبر شفتات ... بشكل مباشر !!!
طبعا القبر يم المسجد ..
والصراحة سمعت روايتين ما ادري شنو الصحيحة !!
الاولى : ان المسجد صارله 14 سنة ينبني !!
الثانية : ان بعد وفاة الشيخ زايد .... بنو له قبر بروحه .. وبعدها على طول سووله مسجد بجانب القبر !!!
وهذا القبر !!
يشبه المسجد !!
هذي ابوظبي .. من اجمل المباني الي قاعده تنبني على البحر ..
شي جدا جميل .. مبني على شكل دائري ..
مكاتب شركات ...
جزيرة السمالية ..
من جزر الي كان يملكها الشيخ زايد .. جدا جميلة وممتعه :)
الحلبة الدولية dubai auto drome ..
