وين رايح : كويت - عمان - كويت
ليش رايح : بشوف مباراة الكويت - السعودية " كأس الخليج 19 "
مع منو : مع صاحبي
شلون رايح : بالطيارة
ادري بس شلون .. منو وداك : شركة زين .. على راسي :)
النتيجة : 1 - 0 للسعودية :(
ما ودي اتكلم عن حالنه ببطولة كاس الخليج 19 .. وعن السبب في الخسارة .. لان الاغلب بين رايه وتكلم بهالموضوع وزيادة
والي حط اللوم على : المدرب - اللاعبين - الاعداد - الاصابات - التشكيلة - البدلاء - الفنيلة - اللوابجين - تقبس
الجماهير ...!!!
تعددت الاسباب والموت واحد !!
المهم انا واحد من الناس الي راحو المبارا ة وطقوا طريج وتعنوا عشان الازرق .. صج انه خسر بس يستاهل منتخبنه ولازم نوقف
معاه بالشدايد .. مو بس كلام " شرايكم فيني " :)
فحبيت اني انقل لكم تجربتي بهالسفرة الاكثر من جميلة .. والممتعة ..
ادري ان تو الناس انقلها لكم .. بس السموحة على التاخير :)
لاني بعد مارجعت اصبت بوعكة صحية اردتني طريح الفراش !!
الف الحمدلله على سلامتي وما اشوف شر ان شاء الله .. وبعدوييني :)
المهم .. راح اغثكم بصور .. وهذا نقطة من بحر :)
ملاحظات عامة على السفرة :-
1. الشعب الكويتي شعب حده حبييييييييييييب .. بس يموت بالضحك :)
2. الشباب القادم سحيييك زقاير .. مع هالزخم الشبابي في التدخين حسيت اني غريب لاني ما ادخن !!
3. الشعب العماني حده عجيييب وعلى نياته :)
4. الخطوط الجوية الكويتية .. الله يرحمها .. عطتكم عمرها !!
5. شعور جميل احسسته بالرحلة ... وهو الوطنية وعلى قلب واحد وتجمعنه الكويت :)
6. ولله الحمد وااايد من الشباب محافظ على صلاته .. حتى بالسفر :)
7. ظاهرة بسيطة بس ان شاء الله ماتكون عامة على الشعب ةالشباب الكويتي .. وهي شرب " الي خبري خبركم" بمطار عمان
ومن ثم ذهاب العقل بالطيارة !!
مراسلكم من قلب عمان الشقيقية .. كويت الخير .. مسقط :)
يعقوب اشكناني .. رئيس رابطة مشجعين القادسية سابقا .. على راسي والله :)
واشونه انه طبينه معاه بنفس الطيارة .. متعة :)
والفرقة :)
ما اعرف شسمه !! .. بس من الناس الي حبيته من اخلاقه :)
يعقوب متحمس .. ومتحمسين معاه الشباب .. ماينلامون والله :)
رابطة الكويت من ملعب مسقط .. شكثرهم والله .. كلينه السعوديين :)
كاهو ياكم الموج الازرق !!
هيثم .. رئيس رابطة مشجعين القادسية الحالي .. وتواجده بعمان من بداية البطولة :)
على راسي والله ويعطيك الف الف عافية :)
وهيه القادسية :)
الازرق تارس المدرجات .. قتلكم كلينه الاخضر !!
حتى العمانيين معانه .. على راسي والله خوش ناس :)
وهذا واحد منهم .. من اول المبارة وهو يرقص ..عشان الكويت :)
اييييه .. راحت ايامك يالازرق !!
وتحياتي ...
ويسلموااااااااااااااااااااااااااااااااااا :)
