أولا وقبل لا أعلق على الإصدار الثاني من " د.أسيل العوضي " عندي جم شغلة ودي أقولهم :)
اولا :
بالنسبة حق الفيديو إلي طلع على د.أسيل سواء الأول ولا الثاني .. ما أدري ليش أحس العملية سهلة !!
يعني كلام وطلع بلسان د.أسيل .. وهي مانفته .. ولكن قالت انه تلفيق وتجريح !!
ما أتوقع فيه تجريح لأنه الفيديو ماقال شي يديد !!
تلفيق .. يمكن !!
لكن لوصج فيه تلفيق .. يبه سهلة خل تطلع د.أسيل وتقول يبه ياجماعة رأي في موضوع بنات الكويت كيت ، ورئيس مجلس الوزراء كيت وكيت .. والأهم من هالشغلتين رأي في الحجاب كيت وكيت وكيت ..
وتنحل المشكلة !!
أما اللجوء إلى " حرية المخافر " والقول " انه انتحدى تطلعون الفيديو كامل ومن هالكلام " يبه احنا الي نتحداكم انه الدكتورة تطلع تقول رايها في هالأمور .. مع احترام التخصص يعني .. موفاهمه بالدين وبالأقوال الي نقالت بالحجاب .. رجاء لاتتكلمين .. لا وياليت جذي بعد حتى الآية موحافظتها وتفسرها على كيفها !!
---------------------------------------------------
الفيديو إلي طلع يقولون انه حدس مسويته !! وسمعت ناس يقولون انه حملة روضان الروضان مسوينه !!
وليلحين المصدر غير معروف !!
فرجاء لحد يتهم أحد بدون دليل !! أسهل شي الإدعاء الإتهام بدون دليل !!
لا وموبس جذي يقولون إنه جمال العمر مزهب بعد شي قوي !!
الله يستر على يقولون !! وهمن ليلحين ماكو دليل !!
----------------------------------------------------------------------
المنبر الديموقراطي :
الله يستر على يقولون !! وهمن ليلحين ماكو دليل !!
----------------------------------------------------------------------
المنبر الديموقراطي :
معلنا برنامج مرشحيه " على الحكومة والمجلس دراسة شراء مديونيات المواطنين وإعادة جدولتها وإقرار قانون الإستقرار المالي بمرسوم ضرورة تطور إيجابي " .
بعد يومين !!
المنبر الديموقراطي :
بعد يومين !!
المنبر الديموقراطي :
" البرنامج الإنتخابي الصادر بإسم المنبر الديموقراطي يمثل مشروع برنامج وهو غير ملزم لمرشحي المنبر وقد لا يعبر عن مواقفهم خصوصا في قانون الإستقرار ومعالجة ديون المواطنين "
يعني شلون ألحين !! شالتناقض !!
أنا إطلعت للأمانة على البرنامج الإنتخابي .. وإلى حد ما لقيت يصل إلى درجة الجيد جدا .. ويشكرون عليه الصراحة .. لكن ألحين أنا لو بصوت لهم .. شلووون !!
أصوت حق منو ؟ .. مو المفروض مرشحينه !! .. بس مرشحينه مو ملزمين !!
معناته البرنامج " حبر على ورق " لأنه غير ملزم ومعناته مو بالضرورة يسعون لتطبيقه !!
عيل منو إلي بيتبناه !! نواب السلف يعني مثلا !!! يمكن !!!
----------------------------------------------------------------------
بس على طاري أمس برنامج " أمة 2009 " على الراي ..
وبخصوص صاحبنه بو " إلي على راسه بطحه يتحسسها " ، ياخوك مافهمنالك !!
ألحين كل شي تكلمت فيه والى حد ما كنت جيد .. بس خصبقت بالباجي !!
يعني البرنامج يايبينكم عشان تطروحون طرح وطني مشترك وتتفقون على أهم الامور المطروحة بالساحة .. أما سالفة الضرب إلي 2 على 1 مايصير جذي !!!
يعني حتى الدين ما سلم منك !! تكلمت بكل شي إلي تفهم فيه وإلي ماتفهم فيه !!
موبس جذي حتى لمن تكلم بالدين ذكر آية غلط !!
بعرف أنا شسالفة الناس هاليومين !! يتكلمون بالدين ويفسرونه ويغلطون بذكر الآية .. يااخي مو حافظها لا تذكرها .. لا تسوي روحك فاهم يعني !!
-------------------------------------------------------------------
أنا إطلعت للأمانة على البرنامج الإنتخابي .. وإلى حد ما لقيت يصل إلى درجة الجيد جدا .. ويشكرون عليه الصراحة .. لكن ألحين أنا لو بصوت لهم .. شلووون !!
أصوت حق منو ؟ .. مو المفروض مرشحينه !! .. بس مرشحينه مو ملزمين !!
معناته البرنامج " حبر على ورق " لأنه غير ملزم ومعناته مو بالضرورة يسعون لتطبيقه !!
عيل منو إلي بيتبناه !! نواب السلف يعني مثلا !!! يمكن !!!
----------------------------------------------------------------------
بس على طاري أمس برنامج " أمة 2009 " على الراي ..
وبخصوص صاحبنه بو " إلي على راسه بطحه يتحسسها " ، ياخوك مافهمنالك !!
ألحين كل شي تكلمت فيه والى حد ما كنت جيد .. بس خصبقت بالباجي !!
يعني البرنامج يايبينكم عشان تطروحون طرح وطني مشترك وتتفقون على أهم الامور المطروحة بالساحة .. أما سالفة الضرب إلي 2 على 1 مايصير جذي !!!
يعني حتى الدين ما سلم منك !! تكلمت بكل شي إلي تفهم فيه وإلي ماتفهم فيه !!
موبس جذي حتى لمن تكلم بالدين ذكر آية غلط !!
بعرف أنا شسالفة الناس هاليومين !! يتكلمون بالدين ويفسرونه ويغلطون بذكر الآية .. يااخي مو حافظها لا تذكرها .. لا تسوي روحك فاهم يعني !!
-------------------------------------------------------------------
نغزة بوطبيلة
صج لي قالوا : " ياشين السرج على البقر "
-----------------------------------
وهمن أنا أقول " ما يحتاج أعلق بعد " !!!!
هناك 20 تعليقًا:
شكلي باعتزل البلوقات هالايام لأن الأوضاع صايره كسيفه صراحه !
ياجماعة الخير هذي من اشراط الساعة ليش مستغربين ؟ :))
--
توني اشوف بيت بو ملوح انتقاء رائع
فعلا كلامك منطقي جدا جدا
لتظر الدختورة وتنورنا برأيها بالمواضيع المذكورة بالتسجيل بدل من الاتهام بالتلفيق
اما برنامج امة ٢٠٠٩ والله الفضالة كان سيء صراحة ،، يعني تقط لك سبعتعش شبهة بآخر دقايق وتقول الشاهين يتهرب من الاجابة متى يمديه يشرحلك
هذا بالضبط اللي يبونة
من خلال محاضرات غسل المخ للطلبة
بس كان غيرك اشطر
الله يرحم دكتورج و معلمج
الديرة هذي ديرة خير
والله حافظها بسبب ناسها الطيبيين
اللي عمرهم ما مشوا و لا راح يمشون وراكم
يامن تدعون التمدن و التحضر
ماتوقع الروضان بتطلع منه هالحركات
واذا على العمر شفت وحدة من المفاتيح شادين حيلهم وايد
وبعدين اسيل خذت اكبر من حجمها وصارت له دعاية بالمجان
حسافة زوارة ماشفت المقابلة :(
ما اعتقد انها من احد المرشحين
كل العملية من ناس حاقده
حدس وايد عليهم مو لي هل درجة ما اتوقع يطلع منهم ابداااااااا
عموما
يقولك اسيل بتقرر صخله لكل عانس ! مع بطاقة التموين
no coment
I can't believe that they are gonna say
CRITICAL THINKING! OH HER CAMPAIN
IS DEAD
THANKS FOR REVIEWING THIS VEDIO
U REALLY CHANEGED MY MIND
أسيل الله يهديها و يهدي كل ليبرالي
بالنسبة لحلقة برنامج أمة 2009 أشوه اني سجلتها ..
صراحة استمتعت و انا اشوفها ..
الأخ الشاهين ما شاء الله عليه متحدث لبق و مثقف و فاهم ..
نفتخر بكم يا شباب حدس
دمتم
الأسلوب اللي قاعد تكتب فيه يا الأخ اللي مو معروف مافيه ارقى منه؟
بعدين عفواً الصخله شفايدتها بالله ؟
والله فعلا أصبح زمن غريب يغلطون فى الأيات القرآنيه وكأنهم يغلطون ببيت شعر وعندهم كأن الأمر عادى !!
اما عن 2 على 1 فكان الاخ أسامه مغطى عليهم كلهم فى ردوده وكان صاحب رؤيه واضحه وثابته أما الأغلبية فيتبعون سياسة الهجوم لأجل الهجوم وكما تعلم ان الشجره المثمره دوما ...
تقبل مرورى موضوع موفق.
ReLaaaX ..
اي والله انا شكلي قبلج !!
لوعة جبد .. بس شسوي ملاحقتني وين ما اروح !!
:)
اي مال ليلى .. ايعذبني هالبيت لمن اتذكره :)
لوووووووووووووول :)
حياج اختي .. وعلى راسي التواصل :)
بوايمن ..
اي والله العملية سهلة !!
بس اهي الي صعبنتهه !!
ها فهمتها شكلك " الي على راسه بطحه يحسسها :)
اهم شي الاية غلط !!
حياك اخوي ومنور :)
بن جبلة ..
كلمات فيها كلام واايد من وراء الستار :)
تمدن وتحضر شكلك قاعدلهم :)
حساك اخوي ومنور والله .. واسعدني تواجدك ... واذا طابك المكان عاود انتشرف :)
كبرياء انثى ..
والله مافي احد يجزم منو الي سواها .. الى الان غير معروف ويبقى كلام من دون دليل ..
حياج اختي .. وعلى راسي التواصل :)
ابو الدستور ..
والله شكلهم طلبة مو معطيتهم A :)
حياك اخوي .. ومنور والله :)
غير معروف ..
رجاءا حسن الفاظك بالتعليق !!
مايحتاج هالكلام !!
4 ..
وهمن انا لا تعليق !!
يالله هذي الدنيا ..
حياك اخوي .. ومنور والله :)
السنبلة ..
اجمعين ان شاءالله ..
اي تستاهل التسجيل .. روعة كانت ..
فعلا الشاهين والعبدالصمد عندي تألقوا فعلا ..
حياج اختي .. ويسلمواا التواصل :)
ReLaaaX ..
ميخالف مسحيها بويهي .. وبالغلط نشرته !!
moonq8 ..
شفتي شلون يسوون روحهم فاهمين !!
اي يااخي لا تقولها !!
عدل كلامج ..
وحياج اختي .. واسعدني جدا تواجدج .. واذا طابلج المكان عاودي .. انتشرف :)
إرسال تعليق